Deputeti socialist, Pjerin Ndreu ka reaguar pas videos së publikuar nga Lapsi.al ku ai është protagonist i një incidenti të shkaktuar në Serbi nga dy miqtë e tij, të cilët udhëtonin së bashku. Përmes një mesazhi në Facebook, deputeti i Lezhës sqaron çfarë ndodhi në Beograd.
“Dy miqte te mi kane dale ga makina per të bërë foto para parlamentit të Serbisë dhe kanë bashkuar duart duke berë simbolin e shqiponjes. Unë personalisht kam qëndruar në makinë dhe nuk kam zbritur fare. Kam parë më pas duke levizur ca gazetarë dhe stafin e sigurisë së parlamentit. Madje, ata më treguan edhe se çfarë ndodhi. Jemi sqaruar aty në moment, pa asnjë incident dhe kemi vazhduar rrugën tonë. Nuk është ndaluar askush, aq me pak une”, shkruan Ndreu.
Shihni më poshtë videon e incidentit.
