Dy TV kombëtare, Klan dhe Top Channel jo vetëm që fshehin vjedhjen e madhe të parave publike me koncesionin 178 milionësh për inceneratorin e Tiranës, por ato i bëjnë edhe publicitet këtij skandali. Ky është pak a shumë deenoncimi i dhëndrit të Sali berishës që merret me problemet e mjedisit, Jamarbër Malltezi. Ai ka treguar për farsën e një dëgjese publike që nuk e pasqyruan shumica e mediave të vendit:
"Bashke me dy keshilltare bashkiake te PD qendruam dy ore ne diell me banoret e Sharres dhe Kombinatit per tu perballur me farsen qe e quanin “degjese” ata qe po vjedhin 178 milione euro per 3 djeges plehrash te pakerkuar dhe pacertifikuar.
Qendruam dhe denoncuam vjedhjen me VKM te tokes banoreve per vec 2 stilolapsa, “pronaret” e kompanise qe po vjel fonde publike, etj. U beme zeri i banoreve dhe sqaruesit e tyre qe kur qerratallaret na fiken mikrofonin, banoret prej fjales sone ju ngriten paq atyre qerratallareve te cileve ju deshtoi farsa e titulluar “degjese”. Ne fund dhjetera banore na falenderuan per sqarimet e qe u beme zeri i tyre me argumente" ka trguar ai.
Por përpos kësaj farse ai ka akuzuar edhe mediat që ishin prezente po nuk u lejuan të transmetojnë asgjë. "Shumica e mediave ishin prezent dhe qendruan permbi dy ore. Xhiruan gjithshka, por vec dy media qendruan “Live” te tjerat nuk guxuan. Edhe TV kombetare ndonese kishin xhiruar gjithshka, ne lajme treguan vec reklamat e kompanise qe po perlan para publike a thua se nuk kishte asgje tjeter, as opozita dhe as banoret. Keto media ka disa muaj qe jane blene paq nga hajnat e 178 milionet e eurove" ka thënë ai.
Në fakt që një vit më parë, kur ky skandal shpërtheu publikisht dhe emisioni "Të paekspozuarit" bëri një investigim për inceneratorët e Elbasanit, Fierit dhe Tiranës, në ditët që pasuan edhe Klan edhe Top Channel u përgjigjën me reportazge të zgjeruara se sa mirë po pastroheshin plehrat në Elbasan. Kjo politikë vijon ende dhe këtë ka denoncuar Jamarbër Malltezi.
©Lapsi.al
