24-vjeçari Sidion Tabaku u plagos mbrëmë me plumb në këmbë tek Shkolla e Bashkuar në Tiranë pasi nuk iu bind urdhrit të policisë për të ndaluar.
Pas plagosjes, ai është dërguar në Spitalin e Traumës ku edhe është ruajtur me policë. Në spital kanë mbërritur edhe këngëtari Arkimed Lusha i njohur me emrin e artit “Stresi” dhe shokët e tij pasi Tabaku ishte pjesë e shoqërisë së tyre.
Këta të fundit janë konfliktuar me policët që gjendeshin për të ruajtur Tabakun duke përdorur edhe fjalë fyese. Në një prononcim të mëparshëm për mediat, Stresi pretendon se nuk është nxjerrë ende raporti i mjekëve për dëmtimet që ka Tabaku duke pretenduar se po fshihet ngjarja.
Sidion Tabaku është një person i njohur për policinë dhe forcat e rendit. 24-vjeçari është arrestuar fillimisht 8 vite më parë me akuzën e vjedhjes së një banese. Më pas në vitin 2015 ai është kallëzuar nga një vajze e re me akuzën e përndjekjes së vazhdueshme.
Ai ka qenë problematik në disa raste për forcat e rendit. Policia ka proceduar të riun për mosbindje ndaj policisë dhe drejtim mjeti pa patentë. Edhe për policin me iniciale B.B që e plagosi me armë është ngritur akuza e “Plagosjes nga pakujdesia”. ©LAPSI.al
[video width="640" height="360" mp4="https://cdnimpuls.com/lapsi.al/wp-content/uploads/2018/10/sherr-stresi.mp4"][/video]
