Djali i deputetit Rahman Rraja, Rexhepi, i ka vënë pikën të gjitha debateve se kush e mbron, për kë punon dhe me çfarë metodash po manipulohet ngjarja më e bujshme e ditëve të fundit. Rexhepi ka folur në dalje të gjykatës së Krujës, pasi ka marrë masën e arrestit. Me pranga në duar dhe i shoqëruar nga forcat e policisë, ai hyri në furgon për t'u transportuar drejt paraburgimit të Durrësit dhe tregoi se ku qëndron forca e tij, tek shërbimet që i bën Rilindjes për zgjedhje.
Teksa po futej brenda në furgon, Rexhep Rraja është pyetur nga gazetarët, nëse ka diçka për të thënë dhe ai është përgjigjur: "Lulzim Basha le ta provojë në votime". Kështu ka deklaruar 25 vjeçari, duke u bërë në të njëjtën kohë i përndjekur dhe dhunues i Xhisielës, po aq edhe socialist dhe Rilindas.
Pas këtij "lapsusi" të pandërgjegjshëm, janë të kota diskutimet se kush është prapa Rexhep Rahjës. Ai është simboli më i mirë i fabulës së vjedhjes së votave si këmbim për pandëshkueshmërinë e krimit.
©Lapsi.al
