Rexhep Rraja, djali i deputetit socialist Rrahman Rraja transferohet mëngjesin e sotëm nga Durrësi në Krujë.
Kjo lëvizje vjen pasi mbrëmë e Xhisiela Maloku doli në intervistë në dy televizione duke dhënë një version ndryshe nga dëshmia e saj në polici.
Rrahman Rraja i akuzuar për dhunimin e Xhisiela Malokut, do të dalë sot para Gjykatës së Krujës për vlerësimin e masës së sigurisë.
Rexhep Rraja u arrestua paraditen e së dielës 30 shtator, teksa ndodhej në një biznes që jepte makina me qera pranë Rinasit.
Ndaj tij është ngritur vetëm akuza e "përndjekjes". Ndërkohë ekspertiza mjekoligjore vërtetonte se ndaj 25 vjeçares Xhisiela Maloku ishte ushtruar dhunë, duke i djegur cigare në trup si dhe duke e goditur me qytën e pistoletës.
Mjekësia ligjore dorëzoi më 27 shtator në Prokurorinë e Krujës aktin e ekspertimit të Xhisiela Malokut duke vlerësuar se ajo ka dëmtime fizike të cilat klasifikohen si rrahje dhe për të cilat ligjërisht, jepet raport deri në 9 ditë.
https://www.youtube.com/watch?v=zVff_YtX5dc&feature=youtu.be
