Beppe Marotta ka zgjedhur programin "90° Minuto" për të treguar të vërtetën e tij pas divorcit me Juventus. E menjëherë e bën të qartë se nuk ishte zgjedhje e tij. "Èshtë një situatë e kërkuar nga shoqëria, nuk ka një motiv të përcaktuar. Unë përshtatem me ato që janë idetë e tyre e direktivat e tyre, për respekt si të personave ashtu dhe klubit. Të largohem? Është një zgjedhje e dhimbshme, në këto vite kam jetuar shumë emocione dhe ishin të gjitha të bukura".
"Jam i lumtur - shton Marotta - sidomos për faktin që kam rritur shumë të drejtues të rinj, që shpresoj e besoj të jenë e ardhmja e Juventus. Besoj se e kam shoqëruar presidentin Agnelli në këto arritje, sot ai është një protagonist i sportit kombëtar dhe ndërkombëtar". Mes kujtimeve më të bukura të këtyre viteve në bardhezi, Marotta përmend titullin e parë kampion me Conte në pankinë, "sepse ishim të gjithë të rinj. Ishte një emocion i fortë sépse ishte i paparashikuar. Me punë e përkushtim arritëm të diferencoheshim nga kundërshtarët tanë".
Marotta përjashtoi mundësinë e kalimit në Federetën Italiane të Futbollit, por jo eksperiencën në një tjetër klub. "Është hera e parë që ndalëm me kampionatin në vazhdim, ndoshta kam nevojë të karikohem, por do të më pëlqente të jem në start të sezonit 2019/2020 ndoshta në krye të një skuadre tjetër".
