Pas arrestimit të Rexhep Rrahjës, djalit të deputetit socialist Rrahman Rrahja të akuzuar për përdhunimin e Xhisiela Malokut, kanë reaguar Edi Rama dhe Taulant Balla.
Kryeministri inkurajon prokurorinë të mos ndalet deri në fund por nuk kursen dhe një akuzë për opozitën. Ai thotë se ata dje u bënë mburojë e të kërkuarve nga drejtësia dhe sot po ridhunojnë vajzën për politikë.
Taulant Balla, i akuzuar se ka qenë në komisariatin e Fushë Krujës kur ish-oficeri i policisë gjyqësore, Emiljano Nuhu, është kërcënuar me pistoletë nga Rrahman Rrahja dhe vëllai i tij, ka reaguar duke thënë se përpara ligjit janë të gjithë të barabartë, ndërsa nuk nguron të akuzojë opozitën dhe qeverinë e kaluar. Balla shkruan se 'nuk e pengojmë prokurorinë dhe as protestojmë kundër saj, por e mbështesim plotësisht.
