Prej kohësh Britania ka në fokus krimin e rrugës. Nuk kanë qenë të pakta viktimat e grabitura, dhunuara, përdhunuara dhe deri vrarë nga banda të vogla që zotërojnë territore të kryeqytetit britanik, Londrës.
Tabloidi “The Sun” ka bërë një reportazh për rrugët më të rrezikshme të Londrës ku ka vënë theksin te “Vallentin Road” në lagjen Walthamstow të cilën e konsideron si rruga më e rrezikshme e kryeqytetit.
Vetëm në muajt e fundit aty kanë ndodhur 2 vrasje ndërsa kanë qenë të shumta grabitjet, gjobëvëniet dhe një seri sulmesh të dhunshme ndaj kalimtarëve dhe banorëve të zonës. Viktima të dhunës kanë qenë edhe lufta mes bandave rivale.
“The Sun ka evidentuar 6 si rrugët më të rrezikshme dhe për çudi njëra prej tyre kontrollohet nga një bandë shqiptare. Sipas të njëjtave burime ai njihet si “Banda e Selrack”-ut.
“Janë një grup më i vogël. Përbëhet nga rreth 10-15 anëtarë dhe bashkëpunëtorë. Ata janë parë shpesh si rivalë të një grupi të madh gangsterësh të quajtur “Chingford Hall Gang”. Udhëheqja e bandës është identifikuar dhe në krye të saj besohet se qëndrojnë 2 vëllezër shqiptarë që kanë lidhjet për furnizimin e drogës” –thuhet në artikullin e “The Sun”.
Në reportazhin e gjatë thuhet se banorët e këtyre zonave mbyllen në shtëpi që në orën 7 të pasdites për shkak të kriminalitetit në rrugë. ©LAPSI.al
