Një 34-vjeçar është shpallur në kërkim nga Policia pasi ka qëlluar në ajër me armë zjarri në Elbasan, si dhe ka kërcënuar një shtetas. Ngjarja ka ndodhur mbrëmjen e sotme në vendin e qujatur "Stacioni i Trenit".
34-vjeçari i identifikuar nga Policia me inicialet A. S, ka qenë në lokal dhe aty është konfliktuar me fjalë me një klient të lokalit. Dyshohet se sherri mes dy personave ka ndodhur në lokal për arsye ordinere, teksa autori i eshte drejtuar personit tjeter duke i kërkuar llogari “pse shikon”. Pas kësaj 34-vjeçari është larguar në banesë ka marrê armën dhe i ka zënë pritë personit identiteti i të cilit nuk bëhet i ditur.
Ky i fundit ka qenë në mjet dhe teksa kalinte në rrugë 34 vjeçari ka qëlluar dy herë në ajër dhe pas kësaj është drejtuar drejt mjetit. Por drejtuesi ka ecur më shpejt duke shmangur një incident.
Pas kësaj policia bën me dije se brenda nje kohe rekord identifikuan autorin e dyshuar që qëlloi me armë zjarri në ajër tek vendi i njohur si të ‘Shinat e trenit’. Agjentet e kanë shpallur në kërkim dhe forca të shumë janë vënë në ndjekje të autorit A.S, 34 vjeç, nga Elbasani. Ai i doli perpara me armë në dorë një shtetasi që lëvizte me makinë, me cilin pati një konflikt të momentit. Nga 2 të shtënat në ajër nuk ka dëmtime në njerëz apo dëme materiale.
