Ronela Hajati flet për të ëmën: "Nuk di ku do të isha po të mos ishte ajo! Për babin kam shumë deshirë të bëj një baladë por..."
Ronela Hajati ishte e ftuara e rradhës në programin "Pop Culture", ku për rreth 15 minuta përveç se ka kënduar i është përgjigjur pyetjeve që moderatori kishte për të.
Ndonëse daljet e saj në intervista nuk janë të rralla, fjalët e Ronelës për të ëmën kanë qenë të tilla.
Meri, siç e thërret ajo, duket se ka qenë mbështetja më e madhe e këngëtares edhe pas humbjes së të atit, pak vite më parë.
"Meri është grua zonjë, jo se e them unë se është mami im, por se kështu është! Është nga ato nëna, që sikur fëmija më i prapë t'i bie e kthen në një njeri me goxha bagazh", - ka thënë ndër të tjera këngëtarja. "Mami ka qenë më konservatore se babi. Babi ka qenë pak më liberal".
Duke u ndalur te babai i saj, Marash Hajati, Ronela ka shprehur dëshirën për të bërë një baladë për të.
"Unë dua t'i bëj njerëzit të kërcejnë. Edhe kur bëj ndonjë baladë i fus ndonjë element që të lëvizin. Po kështu baladë, baladë... kam prej vitesh dëshirë te bëj një baladë dedikuar babait tim. Po se bëj se e di që atë ditë që do e bëj do jem e shkatërruar totalisht [emocionalisht]", - ka treguar Ronela.
