Edhe Koha Jonë, një gazetë që njihet për qëndrime kryesisht opozitare dhe sidomos pranë LSI-së e ka futur me sa duket lugën e saj të vogël, në çorbën e madhe të prishur ku ushqehen shumica e mediave shqiptare.
Ajo sot i ka bërë një shërbim që shkon në përpjestim të zhdrejtë me mundësitë e saj, kryebashkiakut të Tiranës Erion Veliaj. Në shkrimin e "KJ" thuhej: "PD-ja përballë Erion Veliajt në Tiranë e ka të pamundur të fitojë, pasi kryebashkiaku punon dhe merr vota edhe me shumë se emri i partisë që përfaqëson".
LEXO EDHE:
Kur Robert Ndrenika ha një lugë çorbë të prishur
Dhe sikur ky konstatim të mos mjaftonte ajo vazhdon:"Në këtë situatë vetëm Erion Veliaj mund t’i rezistojë stuhisë opozitare që po vjen me një kandidaturë femërore, tironase. Çdo kandidaturë tjetër nga PS merr humbjen e sigurtë".
Boll të lexosh shkrimin e plotë të gazetës (shiko poshte) dhe çdo koment është i tepërt: E vetmja dilemë mbetet nëse ky është një qëndrim i vetë gazetës apo një mbështetje e politikës opozitare kur kujtojmë se Monika Kryemadhi ka deklaruar se ende nuk ka vendosur nëse do të votojë pro Veliajt apo jo".
©Lapsi.al
Erion Veliaj, kryebashkiaku tironas, vazhdon punën me projektet për një Tiranë europiane. Këtë të shtunë, Veliaj ka postuar në facebook te profili personal një set me foto dhe me një shënim: “Mirëmëngjes Tiranë plot ngjyra! Fundjavë me diel për të kaluar kohën e lirë, në parqet dhe hapësirat e gjelbra të qytetit.
Mos harrojmë, pas çdo shëtitje në natyrë, kujdesemi të gjithë për pastërtinë e ambjentit”.
Ndërkohë nga kampi mazhoritar Erion Veliaj do të jetë kandidati në zgjedhjet e radhës vendore në Tiranë. PD-ja përballë Erion Veliajt në Tiranë e ka të pamundur të fitojë, pasi kryebashkiaku punon dhe merr vota edhe me shumë se emri i partisë që përfaqëson. Por në kampin opozitar tashmë është LSI, një parti me struktura koncize dhe me vota dërmuese për PS-në.
Prapë Veliaj vazhdon punën, stoik dhe populist. PS-ja nuk po i lë aleat Veliajt në Tiranë. Edhe PDIU iku.
Loja po komplikohet për zgjedhjet e tjera vendore, sidomos në Tiranë. Kostoja e qeverisjes qendrore do të konvertohet në votë politike, ndonëse do jenë zgjedhje vendore.
Në këtë situatë vetëm Erion Veliaj mund t’i rezistojë stuhisë opozitare që po vjen me një kandidaturë femërore, tironase. Çdo kandidaturë tjetër nga PS merr humbjen e sigurtë. Prapë ngjyrat e postuara sot nga kryebashkiaku janë motiv emocionues për një mandat të dytë, por akoma ngjyrat opozitare nuk kanë dalë, sepse kanë blunë, por dhe një të kuqe më të fortë se flamuri i PS.
