Pas shkatërrimit të grupit kriminal “Bajri” dalin në dritë detaje të reja nga aktiviteti i tyre kriminal. Sipas policisë ky grup, së bashku me grupe të tjera kriminale, trafikonin lëndë narkotike në disa shtete europiane. Ndërkohë, paratë e krimit dhe drogës investoheshin në vendin tonë.
“Policia në zbatim të urdhrit të Prokurorisë së Krimeve të Rënda ka sekuestruar 1 resort-hotel në Velipojë dhe 1 lokal në Shkodër në pronësi të tyre, pasi dyshohen se janë produkt i ardhur nga aktivitet kriminal. Gjithashtu janë sekuestruar edhe 3 automjete e një numër i konsiderueshëm celularësh.”-thuhet ne njoftimin e Policisë se Shtetit.
Operacioni policor për arrestimin e 11 personave është zhvilluar njëkohësisht në Tiranë, Shkodër dhe në Roterdam, Holandë dhe zgjati nga mesdita e së premtes dhe deri në orët e para të mëngjesit të ditës së sotme.
