Gjatë përplasjes që ka pasur me vartësit e saj në Prokurorinë e Krimeve të Rënda, drejtuesja e institucionit, Donika Prela është detyruar të lajmërojë policinë. Prokurorët që janë vënë nën hetim disiplinor nga Arta Marku janë përplasur ditën e djeshme në ambientet e prokurorisë, kur kanë mësuar për masat disiplinore që kishte marrë ndaj tyre Arta Marku.
Drejtuesja e këtij institucioni, Donika Prela u ka mbyllur derën, ndërsa prokurorët kanë kërkuar të futen në zyrë. Pas debateve me tone të larta, është kërkuar ndihma e policisë për ti nxjerrë jashtë prokurorët.
Më i fortë ka qenë debati me prokuroren Sonila Muhametaj. Kur policët kanë mbërritur me urgjencë në ambjentet e prokurorisë, Donika Prela mësohet t'i ketë kërkuar të shoqërojnë prokuroren, pasi ajo po e kundërshtonte.
Prokuroria kësisoj është përfshirë nga një kaos total që sa vjen e përshkallëzohet dhe shkak për këtë, janë bërë lëvizjet që ka firmosur Arta Marku, duke lënë pa prokurororë një nga dosjet më të nxehta për momentin, atë për bandën e Shullazit.
