Kreu i PDIU-së, Shpëtim Idrizi, aleati i ri i Bashës, ka folur si opozitar nga seanca e jashtëzakonshme e opozitës së bashkuar në Vlorë. Në takim ra në sy mungesa e kreut të PBDNJ-së, Vangjel Dule, që për të dytën herë duket se nuk gjen vend në një koalicion për shkak të ardhjes së Idrizit.
Kreu i PDIU-së, foli menjëherë pas Lulzim Bashës në takim dhe tha se nuk kishte ardhur në koalicion për të zëvëndësuar askënd.
“Sot opozita numerikisht është në maxhorancë, sot si raport forcash jemi në maxhorancë, por ka ardhur dita ti japim shqiptarëve ofertën dhe zgjidhjen tonë për të gjithë problemet që kanë, ekonominë, krimin, vendosjen e shtetit ligjor. Se ka ardhur koha pas 27 vjetësh të shkëputemi nga tranzicioni, vetëm një person ka qenë 20 vjet në pushtet dhe ky është Edi Rama”-tha Idrizi.
