Një 45-vjeçar është arrestuar në Librazhd pasi i ka vënë zjarrin derës së Bashkisë së këtij qyteti.
Ngjarja ka ndodhur gjatë orëve të vona të natës, por policia ka arrestuar autorin e dyshuar të zjarrvënies.
Menjëherë Zjarrfikesja dhe shërbimet e Policisë kanë shkuar në vendgjarje, ku kanë bërë të mundur shuarjen e flakëve të zjarrit.
Si pasojë e flakëve është djegur, pjesërisht dera e jashtme e Bashkisë Librazhd. I arrestuari quhet Artan Balla, 45 vjeç, banues në Librazhd thuhet në komunikatën e policisë, ku nuk sqarohet se përse e ka bërë veprimin ky person.
