Ditën e parë të shkollës, veç stresit të menaxhimit të nxënësve, takimeve me prindërit dhe sistemimit në klasa, për mësuesit e Tiranës ishte dhënë edhe një porosi e veçantë nga lart. Duhejt t'i shpërndanin secilit fëmijë nga dy letra, njëra në emër të Erion Veliajt dhe tjetra nga Lindita Nikolla.
I pari kishte zgjedhur të hartonte një tekst ku i fliste të miturve për shkollat e reja dhe sfidat e Bashkisë së Tiranës, një mesazh i përëritur, tipik i fjalimeve false me të cilat shpëlan trutë e militantëve dhe pastaj e shumëfishon duke e shpërndarë të gatshëm në media.
E dyta, përmes një letre të vizatuar në formën e skicës së orarit, kishte bashkangjitur një urim të personalizuar. Në këtë mënyrë, sa herë të shihnin orarin, sytë e fëmijëve të dallonin aty edhe emrin e Linditës.
Fatmirësisht, kohët kur në shkolla recitoheshin vjersha për xhaxhin Enver janë të largëta, por këto dy letra të shpërndara për të miturit që ditën e parë të shkollës, janë dëshmi e verbërisë së propagandës së Rilindjes, që nuk ndalet as para një momenti të rëndësishëm për fëmijët, siç është dita e parë e shkollës, me qëllimin e vetëm për të mbjellë në trurin e të vegjëlve, emrin e tyre.
Më poshtë mund të shihni letrën e Erion Veliaj që iu shpërnda fëmijëve të fillores dhe orari i personalizuar me emrin e Linditës:
