Serialet turke janë bërë mjaft popullore në shumë vende të botës. Së fundmi ato ndiqen dhe në “tokën e serialeve”, pra në vendet e Amerikës Latine.
Këto seriale, që duken të mirëmenduara në gjithçka, fshehin shumë.
Pas tyre fshihet një punë kolosale, e cila kërkon shumë lodhje. Në një shkrim dedikuar punës së ekipeve që realizojnë serialet turke , agjensia e lajmeve “AFP” shkruan, se aktorët punojnë nga 27 orë pa ndalim . Ata shpesh përballen me terrene të vështira dhe rrinë orë të tëra pa ngrënë.
Rreth një vit më parë një kameraman ndërroi jetë teksa xhironte në një majë të thepisur. Në vitin 2014-të një tjetër kameraman ndërroi jetë pas një ataku në zemër. Atak, i cili erdhi si pasojë e punës prej 48 orësh pa ndërprerje.
“Është një rreth vicioz.Sa më shumë popullor të bëhet një serial në Turqi dhe jashtë vendit, aq më shumë lodhemi ne. Plus kohëzgjatja e episodeve shtrihet për arsye komerciale,” tha Zafer Ayden,drejtor i Unionit të Kinemasë në Turqi.
Kenan Imirzalioglu, aktori turk që ne e njohim me rolin e Ezelit, tha se nuk do të punonte më . Ai kërkoi që kushtet e punës të përmirësoheshin. Këtë ai nuk e kërkoi vetëm për aktorët por dhe për pjesën tjetër të stafit.
