Vrapuesi kenian, Joseph Kiprono, është përplasur nga një makinë gjatë garës tragjike në gjysëm-maratonën e Medellin në Kolumbi ku një tjetër atlet humbi jetën nga infarkti.
Incidektet shokuese kanë shkatërruar emocionet e një gare, që duhet të ishte e bukur. Mediat lokale kanë raportuar se atleti kenian Kiprono po udhëhiqte garën në miljen e 13 kur është goditur nga një makinë.
Atleti ka mbetur i plagosur dhe është vënë menjëherë nën kujdesin e mjekëve të garës e më pas është dërguar në General Hospital të Medellin.
Një tjetër pjesëmarrës në maratonë, Juan Camilo Arboleda Alzate, profesor në University of Antioquia, është dërguar në të njëjtin spital pasi pësoi një infarkt gjatë garës. 38-vjecari humbi jetën në spital.
Spitali lëshoi edhe një komunikatë ku shkruhej: "Pas më shumë se 45 minutash tentativash ai nuk iu përgjigj më doktorëve dhe vdiq."
Mediat lokale raportojnë se një 65-vjecare, pjesëmarrëse në maratonë, është dërguar gjithashtu në spital, pasi pësoi një goditje në tru gjatë garës.
