Ambasadori në ikje i Shteteve të Bashkuara të Amerikës, Donald Lu, ka zhvilluar një takim lamtumire me ministrin e Brendshëm, Fatmir Xhafaj.
Takimi në fjalë ka zgjatur një orë, ndërsa Lu ishte i shoqëruar nga zv/ambasadorja e re.
Donald Lu do të mbahet mend si ambasadori, i cili përmendi emra personash me rrezikshmëri të lartë si Klement Balili, i njohur ndryshe si “Eskobari” i Ballkanit, por edhe emra të tjerë dhe grupe kriminale që veprojnë në Shqipëri.
Ditë më parë, Lu ka patur takime më përfaqësues të ndryshëm të politikës shqiptare, ndërsa pas largimit, ai do të vijojë karrierën diplomatike si ambasador i Shteteve të Bashkuara të Amerikës në Kirgistan.
