Një shqiptar ka humbur jetën në Kretë të Greqi pas një aksidenti të ndodhur këtë pasdite.
Siç raportojnë mediat lokale, aksidenti ka ndodhur rreth orës 16.00 në rrugën “Akrotiri” në Chania. Viktima, një shqiptar 48 vjeç, identiteti i të cilit nuk bëhet me dije është përplasur me një automjet teksa ishte duke drejtuar një motor.
48-vjeçari humbi jetën, teksa po transportohej në spital nga ekipet e ndihmës së shpejtë, që u thirrën në vendngjarje pas aksidentit. Shqiptari u transportua i pajetë në spitalin e Chania.
