Ambasadori amerikan Donald Lu ka takuar ditën e sotme kreun e Partisë Demokratike, Lulzim Basha. Lu është duke e përfunduar detyrën e tij si ambasador i SHBA-së në vendit tonë, ndërkohë ditët e fundit ai zhvilluar takime me politikanët më të rëndësishëm ne vend.
Nga ana tjetër, pas takimit me ambasadorin në ikje të SHBA, Donald Lu, vjen një mesazh nga kryetari i PD-së Lulzim Basha. Ky i fundit përmes një postimi në Twitter ka theksuar se PD është krenare për miqësinë dhe bashkëpunimin me SHBA, ndërsa e cilësoi atë partnerin strategjik të Shqipërisë dhe kombit shqiptar.
“Takim lamtumire me ambasadorin Donald Lu dhe mirëseardhje me zv. Ambasadoren Leyla Moses-Ones. PD krenare për miqësinë dhe bashkëpunimin me SHBA, partnerin strategjik të Shqipërisë dhe kombit shqiptar”, - shkruan Basha në Twitter.
