Kryetari i Këshillit Bashkiak të Kukësit, të cilit emri nuk i përshtatej aspak me ngjyrën që i kishte marrë fytyra, ka dalë ditën e sotme në një deklaratë për mediat ku ka prdikuar se çështja e pranimit të taksës së rrugës së kombit nga kuksianët është një histori e mbyllur (video poshte). Gjelbrim Shehu, i cili nuk arriti të mbledhë dot një shumicë të mjaftueshme për të filluar seancën e këshillit bashkiak që do të shqyrtonte tarifën 1000 lekë për rrugën, foli në emër personal dhe pa pasur mandatin e institucionit që përfaqëson. Por pavarësisht kësaj, Gjelbërimi që nxinte në fytyrë theksoi se pas bashkëpunimit me qeverinë shqiptare dhe koncensionarin është rënë dakord për tarifën modeste prej 100 lekësh për qytetarët e Kukësit, se kjo është një shifër krejt e përballueshme nga qytetarët.
Pa pikë droje, njësor si Veliaj që bërtiste fitore, pas letrës së BE që sanksiononte amendimin e ligjit të teatrin, Gjelbërimi bëri një deklaratë ku shpalli vendimin se kjo pikë e rëndit të ditës nuk do të rishihet më në mbledhjet e radhës pasi konsiderohet e mbyllur, pa e kuptuar se kjo ndërhyrje e imponuar që ai mezi e lexonte, nuk kishte asnjë vlerë reale.
@Lapsi.al
