Pas vendimit të Parlamentit Europain për liberalizimin e vizave me Kosovën, ka reaguar edhe kryeministri Edi Rama. Përmes një postimi në Twitter Rama shkruan se me këtë akt Parlamenti Europian i ka hequr vetes një njollë me të cilën Europa ka vite që cënon flamurin e vet.
“Shyqyr që Parlamenti Europian e hoqi nga vetja njollën me të cilën Europa ka kaq vjet që cënon flamurin e vet duke mos hequr vizat për Kosovën! Kosova mbetet dhe për pak kohë i vetmi vend me viza për në Europë, por kjo e sotmja është një hap për t'u përshëndetur sidoqoftë” – shkruan Rama.
Ishin 420 deputetë të PE që votuan për liberalizimin e vizave ndërsa 186 ishin kundër dhe 22 abstenuan.
