Menjëherë pas deklaratës së Komisioni Europian, i cili dha dakordësinë e tij për amendimin e ligjit për teatrin përmes garës së hapur e transparente, vjen reagimi nga Partia Demokratike.
Në një deklaratë nga selia blu, deputetja e PD-së Jorida Tabaku pohoi se KE rrëzoi ligjin Rama-Fusha për teatrin kombëtar. Po ashtu në emër të PD, Tabaku theksoi se qeveria mbajti 4 ditë të fshehtë letrën e KE.
“KE rrëzoi ligjin Rama-Fusha për teatrin. Ligji për teatrin është korruptiv dhe klientelist. Komisioni Europian i dha të drejtë opozitës. Por qeveria e mbajti të fshehtë letrën e KE për 4 ditë. Përgjigja nga KE erdhi pas këmbënguljes së opozitës. PD do të zotohet se do të rrëzojë njëherë e mirë ligjin. KE u dha përgjigjen për fitoren e parë. Mesazhi është që të bashkuar mund ta rrëzojmë te keqen”, - tha Tabaku.
