Ish-kryeministri Sali Berisha ka bërë në rrjetete sociale një analizë të gjatë të vizitës së Presidentit serb Aleksnadër Vuçiç në Kosovë fundjavën që kaloi. Ai thotë se ndër të tjera se ishte alarmues përmendja që Vuçiç i bëri Millosheviçit pa kërkuar ndjesë për krimet monstruoze të tij.
“Ish-ministri i Millosheviçit jo vetëm nuk kërkoi ndjesë për genocidin dhe krimet monstruoze kundër njerëzimit të patronit të tij, Kasapit të Ballkanit, Sllobodan Millosheviç në Kosovë, Bosnje dhe Kroaci, por ai, në një akt cinik kriminal, duke fyer të gjallë dhe të vdekur në Kosovë, por edhe në Ballkan, u tha shqiptarëve se Kasapi juaj Sllobodan Millosheviç ishte një udhëheqës i madh dhe i mirë, por dështoi në disa politika të tij” – shkruan Berisha.
“Në këtë kontekst, përveç elozheve që ish-ministri i Millosheviçit i bëri kasapit të Ballkanit, ai haptas garantoi serbët se Serbia do jetë më e madhe” – nënvizon ish-kryeministri shqiptar duke shtuar: “Vuçiç tha se, për të bërë Serbinë më të madhe, unë nuk bëj lufte, pra nuk do bëj gabimet e Millosheviçit sepse ai dështoi me luftë, por unë do të arrij pa luftë me argatët e mi në Prishtine ta bëj Serbinë më të madhe!
Së fundi, Vuçiç, në dallim nga Millosheviçi tha se nuk kërkon ndryshim të kufijve për të bërë Serbinë më të madhe. Në të vërtet ai nuk ka nevojë të kërkojë vetë ndryshimin e kufijve sepse këtë kërkesë, flamurin e ndryshimit të kufijve ish-ministri i Millosheviçit ua ka besuar argatëve të tij, serbomedhenjve shqipfolës në Prishtinë” – e mbyll Berisha. ©LAPSI.al
