Më në fund paqe, edhe pse e përkohshme. Si përfundim, Uellsi nuk do të ketë përballë Danimarkën eksperimentale që u pa kundër Sllovakisë. Në ndeshjen e Ligës së Kombeve, danezët do të zbresin në fushë me gjithë yjet e tyre, për të shmangur sanksionet e UEFA-s dhe turpërimin e kombëtares skandinave.
Megjithatë, sapo arbitri të mbyllë ndeshjen gjithcka do të kthehet si më parë dhe futbollistët danezë do të rinisin luftën për të drejtën e imazhit. E nëse nuk do të arrihet një akord para ndeshjes së ardhshme, atëherë Federata do të bëjë mirë të thërrasë përsëri gjysëmprofesionistët dhe lojtarët e Futsal.
Paqja është konfirmuar nga Guardian, që bën të ditur se zgjedhja është bërë pasi shumë kombëtare kanë protestuar duke e konsideruar turneun fals që nga fillimi në rast se Danimarca do të vazhdonte të luante me lojtarët që u mundën 3-0 në miqësoren kundër Sllovakisë. Por nuk është zgjidhur akoma cështja e të drejtave të imazhit, që futbollistët të mbështetur edhe nga sindikata, nuk duan tia shesin Federatës.
Në fund thirrja e fushës ishte më e fortë. Shumë janë të lumtur që do të shohin përsëri në fushë Eriksen e Schmeichel, por ndoshta dikush do të preferonte ti jepej një shans djemve të grumbulluar nga Jensen. Që në këtë pikë duhet ti lëshojë vendin në pankinë Hareides.
