Ndonëse i farkëtuar me bindje të djathta dhe lider i partisë më të madhe të së djathtës në vend, Lulzim Basha ka filluar të flasë me termat e së majtës ekstereme duke u ndërgjegjësuar, se konflikti më i madh në vend po bëhet ai mes të pasurve dhe të varfërve, se nën rregjimin e Edi Ramës, po krijohet një pabarazi galopante dhe një hendek klasor që mund t’a shpjerë vendin dejt një konflikti civil.
Po të dëgjoje sot fjalimin e Bashës në Elbasan të hartuar nën moton: “Rama është me krimin, ne jemi me njerzit”, ajo që binte në sy ishte vënia e theksit tek “shtypja e të vegjëlve, të drejtëve, të zakonshmëve të të pafuqishmëve”.
Dhe nënvizimi i këtyre fenomeneve që i ka përzemër e majta radikale dhe jo qeverisëse e Europës, shoqërohej njëkohësisht edhe me antitezën e vet: “favorizimin e të mëdhenjve që nuk ngopen kurrë nga privilegjet, zhvatja, grabitja që bëjnë duke u nisur nga paradhoma e Edi Ramës”.
Lexo më tej:
Andi Bushati: Bojkoti i vogël, bëhet qesharak pa bojkot përfundimtar
Pra, nuk ka këndvështrim më majtist sesa të përshkruash një shoqëri, ku të vegjlit dhe të pafuqishmit shtypen dhe ku të të mëdhenjtë e pangopur favorizohen.
Por fatkeqësisht kjo është e vërteta e Shqipërisë dhe përtej barrierave ideologjike Basha e ka nënvizuar atë duke marrë kështu një pozicion atipik, në mbrojtje të shtresave të pa privilegjuara që është atuja e të majtëve kudo në botë.
©Lapsi.al
