Gary Barlow deklaroi se “Take That” pritet të festojnë 30-vjetorin e grupit, por me një numër kaq të rëndësishëm u duket sikur janë 400 vjeç.
Grupi me Barlow, Howard Donald, Mark Owen, Jason Orange dhe Robbie Williams u formuan në vitin 1990 dhe pas dy vjetësh kanë një përvjetor të rëndësishëm, që kanë vendosur ta celebrojnë në mënyrën më speciale për fansat.
“Take That” do të nxjerrin tre këngë të reja për këtë rast, si pjesë e albumit “Greatest Hits”.
“Albumi ynë “Greatest hits” ka mbaruar dhe është masterizuar. Çdo këngë është përpunuar. Disa prej tyre janë riregjistruar. Do të ketë tre këngë të reja”, -shkroi Barlow në “Twitter”.
Më herët gjatë vitit, ishte konfirmuar se “Take That” do të publikonin albumin “Greatest Hits” dhe do të nisnin një turne botëror.
