Bono siguroi fansat se është mirë dhe se nuk ka asnjë serioze, kështu që do të rikthehet në turne me grupin “U2”, më 4 shtator, në Këln të Gjermanisë. Këngëtari shkroi në rrjetet sociale se mjeku i siguroi se nuk ka asgjë për t’u shqetësuar me kordat vokale.
Gjatë një koncerti në Berlin, etapa e dytë në këtë qytet, Bonos iu desh ta ndërpriste në mes, sepse i iku zëri ndërsa po këndonte. Fansat e mbështetën liderin e “U2”, duke vijuar këngën për të.
Në këtë mënyrë, turneu europian nuk është në rrezik. Koncerti i anuluar në kryeqytetin gjerman është parashikuar për në 13 nëntor.
