Lana Del Rey shtyu shfaqjen e saj në Izrael, deri sa të mund të performojë edhe për fansat e saj në Izrael dhe Palestinë. Aktivistët dhe fansat në Izrael i bënë thirrje këngëtares që të anullojë shfaqen e saj, në shenjë proteste ndaj politikave të Izraelit ndaj palestinezëve.
Ajo u shpreh se performanca e saj në Tel Aviv nuk ka të bëjë me arsye politike dhe se do ta mbante koncertin, por më pas me anë të një postimi në Twitter ajo e anulloi performancën, duke thënë se për të është e rëndësishme që të gjithë fansat t’i trajtojë në mënyrë të barabartë.
“Për fat të keq nuk ka qenë e mundur që performancat të bëhen në një kohë kaq të shkurtër dhe për këtë arsye nuk do të marr pjesë në Festivalin Meteor deri në një datë që do të gjej kohën për fansat izraelit dhe palestinez”, shkruajti këngëtarja.
Kjo nuk është hera e parë që Lana Del Ray anullon koncertin për shkak të peoblemve mes dy vendeve pasi edhe në vitin 2014 ajo anulloi koncertin në Tokën e Shenjtë, për shkak të luftës midis Izraelit dhe Palestinës në Rripin e Gazës.
