Mbrojtësi i Arsenalit, Shkodran Mustafi mund të dënohet për gjestin e bërë pas shënimit të golit kundër Cardiff në takimin e Premierleague të luajtur të dielën.
Futbollisti i lindur në Gjermani në një familje shqiptare me origjinë nga Maqedonia bëri “shqiponjën” me duar duke festuar golin e shënuar në minutën e 11-të të takimit. Gjesti u ka sjellë në vëmenfje të gjitahëve atë që bënë Granit Xhaka dhe Xherdan Shaqiri në ndeshjen ndaj Serbisë në boterorin e Risisë.
“The Indipendent” shkruan se “Federata Britanike e Futbollit mund të marrë masa ndaj futbollistit pasi sipas tyre ky është një “gjest me përmbajtje politike”.
Gazeta sjell në vëmendje edhe rastin e Xhakës dhe Shaqirit të cilët u dënuan nga FIFA për sjellje antisportive. “The Indipendent” sjell në vëmednje tensionet mes shqiptarëve dhe serbëve që ende nuk janë shuar.
Ndërsa “The Sun” shkruan se një gjest i tillë u ka sjellë shpesh probleme futbollistëve me origjinë shqiptare duke nënvizuar se edhe 26-vjeçari i Arsenalit nuk do të kalojë pa pasoja. “The Sun” shton gjithashtu se Federata Britanike mund ta konsiderojë këtë një gjest politik.
“Kur e pyetëm Shaqirin për gjestin në atë kohë tha vetëm: “Është vetëm emocion. Jam i lumtur që kam shënuar. Nuk ka gjë tjetër. Nuk dua të flas për më shumë” – shkruan The Sun. ©LAPSI.al
https://www.youtube.com/watch?v=5U_HyZAHDSM
