Deputetja e PD-së, Albana Vokshi e konsideron farsë. Mashtrim dhe shoë veprimin e kryeministrit Rama që u shfaq në Tv duke shpërndarë libra falas. Me anë të një statusi në Facebook, Vokshi ka sqaruar të vërtetën që sipas saj fshihet pas “librave falas” të Edi Ramës. Deputetja e PD-së thotë se u janë dhënë në përdorim nxënësve dhe nuk u janë falur, që do të thotë se prindërit do të paguajnë shumë më tepër në rast se një libër dëmtohet.
“Bamirësi shpërndau libra që NUK JANË FALAS, janë në PËRDORIM, vetëm për nxënësit e klasave 1-4, ndërkohë që të gjithë nxënësit e tjerë nga klasat 5-12 do duhet të blejnë librat me çmimin shumë herë më të lartë të rritur nga Edi Rama. Rama sot mashtroi pasi asnjë vend i rajonit apo i Europës nuk i jep librat në përdorim, por i jep #FALAS, kështu edhe vendet fqinje si Kosova (me të cilën kemi edhe tekste e përbashkëta), Greqia, Maqedonia etj.
Prindërit e nxënësve të klasave 1-4 që do të marrin librat në përdorim nga shteti, duhet të kenë të qartë që nëse fëmijët i zhgarravisin apo i grisin, do gjobiten dhe paguajnë shumë më shumë sesa do të ishte vlera nëse ato do i kishin blerë tekset vetë” – shkruan Vokshi.
“Rama sot nuk foli sot për rritjen e cmendur të cmimit të librave shkollorë nga 35-50%. Rama nuk foli sot pse nuk ia siguron librat edhe fëmijëve të klasave të tjera të arsimit të detyrueshëm (klasat 5-9). Rama nuk foli sot për mbylljen e 7 shkollave kolektive në Vlorë apo për flakjen në rruge të dhjetëra mësuesve po në Vlorë në prag të vitit të ri shkollor” – shkruan deputetja e PD-së që premton se Partia Demokratike do të sigurojë tekste falas për të gjithë fëmijët që ndjekin arsimin e detyrueshëm. ©LAPSI.al
