Nga njëra anë një lojtar me talent të pafund e nga ana tjetër një karakter i fortë, që e bëntë të vështirë për tu administruar. E nëse përballë Wesley Sneijder është një trajner me karakter eksploziv si Louis Van Gaal, gjërat janë shumë pranë të dalit jashtë kontrollit. Mesfushori ka treguar në një intervistë për Telegraaf për një zënkë që rrezikoi të përfundonte me goditje fizike mes tij dhe trajnerit.
“Kam patur një raport të pastër pune me Louis. Është një gjeni i çmendur. Ky është emri i duhur për të“, thotë Sneijder. “Kam qenë shumë herë gati ti jepja një goditje me kokë në fytyrë. Ndodhi gjatë një udhëtimi në Azi në qershor 2013. Mënyra si më hoqi shiritin e kapitenit në atë kohë ishte skandaloze. Më mbajti të vecuar sikur të kisha shkuar në festa pas cdo ndeshje”.
"Edhe pse nuk isha në maksimum në atë kohë dhashë më të mirën dhe ja pse pretendoja më shumë mirëkuptim. Më trajtoi pa respekt, mu errën sytë dhe doja ti zgjidhja problemet si në rrugë. Për fat, numërova deri në 10 dhe arsyetova", përfundoi kampioni hollandez.
