UEFA planifikon të nis përdorimin e VAR për herë të parë me rastin e Superkupës vitin e ardhshëm. Ndeshja do të luhet në Stamboll më 14 gusht 2019 midis fituesit të Ligës së Kampionëve dhe fituesit të Ligës së Evropës. "Për Ligën e Kampionëve është shumë herët, dhe nuk mund të themi kur do të ndodhë", janë fjalët e Presidentit të UEFA, Aleksander Ceferin. Pra pritet që UEFA të përdorë sistemin VAR në Champions dhe Europa League duke filluar nga 2020.
Edhe pse Ceferin tha se VAR funksionoi më mirë se sa pritej në Kupën e Botës, duket se teknikisht është e vështirë për qeverinë europiane të futbollit ta përdorë atë në të gjitha ndeshjet që do të luhen në të njëjtën kohë në të gjithë kontinentin: arsyeja sipas drejtuesve europianë të futbollit është se vende dhe stadiume të ndryshme kanë nevojë për më shumë kohë se sa një turne, edhe pse i një rëndësie të madhe si Kupa e Botës. Në ditët e fundit, Ceferin e kishte mohuar qartë hipotezën e paraqitur nga Times se UEFA ishte e gatshme të përdorte VAR në çerekfinalet e Ligës së Kampioneve 2018-2019.
