Sheikët e Emirateve Arabe kanë kërkuar të blejnë Liverpool-in mes fundit të 2017 dhe fillimit të 2018-ës për një shifër rekord, plot 2 miliardë sterlina. Por sipas "Daily Mail" pronarët amerikanë të klubit i kanë thënë "jo" ofertës përrallore.
Sheiku Khaled bin Zayed Al Nehayan, kushëri i Mansour, pronarit aktual i Manchester City-t, është një sipërmarrës i suksesshëm në kërkim të goditjes së madhe në skenën ndërkombëtare. Nuk ka burimet e kushëririt, por gjithsesi zotëron një pasuri në gjendje të menaxhojë një klub me famën dhe ambicjet e Liverpool-it. Në planet e Khaled, duket se ka qenë një "joint venture" me një ortak kinez që do të kishte pakicën e aksioneve.
Sipas Daily Mail, Khaled është takuar në Nju Jork me presidentin e Të Kuqve, Tom Wernes, por përgjigjja ka qenë negative. Një burim i Liverpool-it ka deklaruar për BBC se klubi nuk është në shitje: "Grupi Fenway Sport merr rregullisht propozime interesante, por shoqëria nuk është absolutisht e interesuar për shitjen e Liverpool-it".
Përkundrazi, Fenway Sport Group mund të diskutojë një propozim të mundshëm të një investitori të vogël të interesuar për një marrëveshje tregtare për të fuqizuar dhe zhvilluar biznesin e klubit.
