Real Madrid akuzoi Interin për parregullsi në mënyrën e kontaktimit me Luka Modric, mesfushori shfajësoi zikaltrit duke thënë se nuk kanë kontaktuar me të asnjëherë, Don Balon shpjegoi se ishin menaxherët e lojtarit që ishin vënë në bisedime me Interin dhe Modric që e kundërshtoi duke e konsideruar "gënjeshtrën më të madhe të historisë". Vështirë të kuptohet se cili është versioni më i besueshëm në telenovelën që e shtyu fundin për sezonin e ardhshëm.
Mesfushori kroat, që ishte fare pranë Inter në këtë sesion merkato ka ndërhyrë me një replikë në rrjetet sociale. Modric, që në orët e fundit ndihmoi Inter të qartësonte pozicionin e tij para Fifa-s, ka thënë fjalën e tij mbi cështjen, duke shkruar komentin në faqen Futbolalreves: "Është gënjeshtra më e madhe e historisë". Një mesazh i qartë i futbollistit të Real Madrid që hedh poshtë totalisht ndërtimin e fakteve nga Don Balon sipas të cilit, vetë Modric, ka kontaktuar drejtuesit zikaltër përmes menaxherëve të tij për të parë nëse kishin interes.
