Një ish-këshilltare e Donald Trump ka nxjerrë në dritë atë që ajo thotë se është një regjistrim audio i një telefonate nga presidenti amerikan pas shkarkimit të saj vitin e kaluar.
Në kasetë të transmetuar në kanalin televiziv amerikan NBC, një zë që supozohet të ishte i Trump shpreh habi që Omarosa Manigault Newman ishte shkarkuar një ditë më parë.
"Askush nuk më tregoi për këtë", dëgjohet zëri mashkullor.
Ajo do nxjerrë shpejt një biografi dhe Shtëpia e Bardhë e ka përshkruar ish ndihmësen e presidentit si një ish-punonjëse e pakënaqur.
Të hënën Trump shkroi në tweeter se ish-punonjësja e tij kishte filluar ta sulmonte atë, vetëm pasi kishte humbur punën.
Ai shtoi se i kishte kërkuar shefit të tij të stafit John Kelly që të përpiqej të "punonte".
Ne regjistrim degjohet biseda e ish punonjëses me John Kellyn brenda nw "situation romm" dhomën e krizave që gjendet në bodrumet e shtëpisë së Bardhë dhe ku prezumohet qe nuk regjistrohet dot me asnje aparat elektronik.
Avokati i presidentit Trump, Rudy Giuliani, thotë se ajo mund të ketë shkelur ligjin duke regjistruar biseda private në këtë mjedis super sekret të Shtëpisë së Bardhë.
Manigault Newman është mbrojtur duke thënë se ajo e ka bërë këtë akt sepse ne presidencen amerikane të gjithe gënjejnë. Duhet te vetembrohesh nëse nuk do të goditesh me 17 thika mbi shpinë, i ka thënë ajo NBC.
Manigault Newman, e njihte presidentin që nga ditët kur si një yll i reality merte pjesë në show televiziv "The Apprentice" të drejtuar nga Trump. Ajo e këshilloi atë për çështjet afrikano-amerikane gjatë zgjedhjeve të 2016 para se të merrte një rol komunikues në Shtëpinë e Bardhë.
