Europa po përballet me një valë të paprecedentë të nxehti, që po than lumenjtë në Gjermani e Zvicër, ndërsa në Britani janë shënuar temperaturat me të larta që prej vitit 1976.
Media ndërkombëtare ka publikuar fotot tronditëse nga tharja e disa pjesëve të një prej lumenjve më të mëdhenj në Gjermani, Rinit.
“Metro” raporton se fotot janë shkrepur në një prej pjesëve më të prekura nga thatësira të Rinit, i cili nis nga Liqeni i Kostancës deh përfundon tek Ujëvarat e Rinit.
Në foto shihet qartë se niveli i lumit, që përdoret edhe për transport mallrash, me anije të mëdha që tashmë kanë ngecur, ka rënë në nivele dramatike.
Pamjet shokuese me shtratin e Rinit që duket si shkretëtirë vijnë pak ditë pas lajmeve se 1 ton peshq është vrarë nga temperaturat e larta në ujërat zvicerane.
