Armando Sadiku ka pësuar një dëmtim gjatë ndeshjes së fundit në Levante. Menjëherë pas saj ai është shtruar me urgjencë në spital, ku ka rezultuar se ka këputur ligamentet e gjurit të majtë.
Pas kësaj, Sadiku duhet ti nënshtrohet një operacioni, lajmin e kanë dhënë vetë drejtuesit e klubit nëpërmjet një njoftimi, në të cilin shkruhet:“Testet mjekësore të zhvilluar gjatë ditës së sotme për Armando Sadikun konfirmojnë se sulmuesi shqiptar ka pësuar këputjen e ligamenteve të gjurit të majtë. Futbollisti do të operohet sot pasdite. Ai doli i dëmtuar në pjesën e dytë të ndeshjes së të shtunës përballë Herenven. Parashikohet një fazë riaftësimi prej 6 muajsh”.
