Sali Berisha denoncoi sot vendimin e qeverisë për ngrirjen e pagave të punonjësve të administratës publike.
Nëpërmjet një postimi në Facebook, ish-kryeministri thekson se vendimi për ngrirjen e pagave për mësuesit, mjekët policët dhe punonjësit e tjerë të administratës publike de facto është ulje pagash.
Ai e argumenton këtë përfundim me luhatjen e inflacionit. Sipas Berishës, ngrirja e rrogave të punonjësve të administratës i jep një goditje të rëndë shërbimeve të qytetarëve.
Postimi i Sali Berishës:
Narkoqeveria ngrin pagat, de facto i ul ato!
Të dashur miq, ndërkohë që vetë vjedhin me valixhe paratë e takspaguesve para largimit me pushime vendosen të ngrijnë pagat e mësuesve, mjekëve, infermierëve, policëve dhe të gjithë punonjësve të tjerë të administratës duke anulluar vendimin e mëparshëm.
Ky është një skandal prej zuzarësh. Në të vërtetë me këtë akt ata po të kemi parasysh inflacionin i ulin rrogat e punonjësve të shtetit dhe japin një goditje të rëndë shërbimeve qytetarët.
Duke denoncuar këtë akt të papergjegjshëm ju bëj thirrje punonjësve të administratës protestoni me të gjitha mënyrat kundër Noriegës dhe narkoqeverisë se tij. sb
