Sezoni i verës ka dy fishuar çmimet e biletave të fluturimeve, duke qenë një barrë e shtuar për të gjithë qytetarët që preferojnë të kalojnë pushimet jashtë atdheut. Kjo rritje çmimi ka ndikuar drejtpërdrejt edhe tek paketat turistike, apo dhe në lëvizjen individuale drejt destinacioneve të ndryshme të Europës apo më gjerë. Përfaqësues të Agjencive Turistike në vend pohojnë se çmimi i biletave të avionit është dyfishuar gjatë ditëve të fundit, me afrimin e pikut të sezonit turistik.
''Ka një rritje të ndjeshme të biletave dhe kjo ka ndikuar tek paketat.'' pohon Eleni Rustaj, përfaqësuese e një Agjencie Turistike.
Megjithatë qytetarët shqiptarë preferojnë gjithnjë e më shumë të pushojnë jashtë vendit, ndërsa tredi i udhëtimeve po shkon drejt atij rrugor me makina, dhe kjo për shkak të çmimit të lartë të biletave të fluturimeve.
''Destinacioni më i preferuara rendit Greqinë në vend të parë e ndjekur nga Turqia. Qytetarët preferojnë dhe lëvizjen me autobus'' pohon ajo.
Por ka nga ata qytetarë që pushimet verore i kanë planifikuar shumë herët, e kjo I ka ndihmuar edhe për të përfituar paketa turistike me çmime më të favorshme.
'‘Paketat fillojnë nga 430 euro'' thotë Rustaj.
Edhe tregu i fluturimeve me destinacion Italianë, i cili ka mbajtur gjithmonë çmime të ulëta, tani ka arritur me mbi 100 euro më tepër për biletë.
http://www.intv.al/te-udhetosh-jashte-vendit-cmenden-cmimet-e-biletave-te-fluturimeve-dhe-paketave-turistike-video-67173
