Juventus dhe Milan nga fjalët tashmë duan të kalojnë te faktet. Janë tre lojtarët e përfshirë: Leonardo Bonucci, Mattia Caldara dhe Gonzalo Higuain. I pari është shumë i vendosur për të riveshur fanellën e “Zonjës së Vjetër”. Ndërsa dy të tjerët, duken afër transferimit në oborrin e “Djallit”.
Edhe dje, në fakt në aksin: Mole-Duomo, kontaktet nuk kanë munguar. Ka patur në fakt një takim të parw, mes njerëzve të Continassa dhe vëllait-agjent të Pipita, Nicolas Higuain. Një takim i përzemërt, që gjithsesi ka shenjuar të ardhmen e sulmuesit 30 vjeçar, gati të përballet me një eksperiencë të re profesionale, pas blerjes së Cristiano Ronaldo nga Juventus.
Në thelb, linja është vendosur: Kuqezinjtë janë të gatshëm për një negociatë mbi formulën e huazimit me kosto (18 milionë) me të drejtën e blerjes (për 36 milionë). Një ide e studiuar deri në detaje nga drejtori teknik i Milanit, Leonardo, i cili u takua me Nicolas Higuain në Casa Milan për të aprovimin. Takimi shumë i gjatë i mbrëmjes së kaluar, mbi 3 orë e gjysmë: është dëshmia që çështja është thellaur dhe, sot, me shumë mundësi do të jetë raundi vendimtar për të marrë “po”-në e argjentinasit.
Paralelisht, Juventus dhe Milan kanë gjetur unitetin për vlerësimin e Cladara dhe Bonucci, 40 milionë euro për secilin. Me kampionët e Italisë që do t’i garantonin qendwrmbrojtësit 31-vjeçar një kontratë disavjeçare për më shumë se 5,5 milionë euro neto në sezon.
Kapiteni aktual i kuqezinjve do të rikthehet bardhezi – këtë e tregon edhe më shumë gatishmëria e tij për të ulur pagën. Në këtë pikë njerëzit e Cortinassa kanë vendosur të sakrifikojnë 24-vjeçarin nga Bergamo, shumë të vlerësuar nga Gennaro Gattusso.
Operacioni, pra duhet të finalizohet. Edhe sepse, në takimin që u zhvillua në fundjavën e fundit mes Juventus dhe Chelsea në Costa Azurra, Blues kanë shfaqur një interes të madh për Caldara pa u thelluar në temën Higuain.
