Gjyqtari i Gjykatës së Lartë, Shkëlzen Selimi ka braktisur sot procesin përpara Komisionit të Pavarur të Kualikimit me akuzën e rëndë se anëtarë të tij i kanë shitur të dhënat konfidenciale televizionit kombëtar Top Channel. Në seancën dëgjimore gjyqtari Selimi ka qënë vetë i pranishën ku kërkoi pezullimin e seancës dhe hetimin disiplinor ndaj trupës gjykuese të KPK.
“Nisur nga faktet që kanë ndodhur rishtaz dua të nisë hetimi disiplinor ndaj trupës sepse në TCH dje është transmetuar një kronike ku jepen të dhëna sensitive. Unë kërkoj pezullimin e seancës dëgjimore sepse do i kërkoj ONM të nisë procedure disiplinore sepse janë
përdorur të dhëna kodecinale. Unë dyshoj se këto te dhëna i janë shitur këtij TV dhe mendoj se ky TV ka shkuar me tej sa të ndikojë në
këtë proces”- ka thënë gjyqtari.
Mbrëmë, Top Channel hapi si lajm të parë të edicionit të orës 19 30 (linku poshte) një dokument ekskzluziv të shërbimit sekret ku pretendohej se si gjyqtar Selimi kishte marëdhënie me të dënuarit. Gjatë gjithë muajit të fundit T CH nuk ka lënë rast pa e sulmuar gjyqtarin e lartë që ka gjykuar në procesin e gërdecit, madje edhe aty ai i ka faktuar përdorimin e veturës të njërit prejt të dënuarve për të udhëtuar jashtë shtetit.
Njërëzit pranë Shkëlzen Selimit pretendojnë se sulmet i janë bërë si shantazh pasi ai duhej të gjykonte procesin për pronësinë e kanalit televiziv më të madh në vend. Por pavarësisht nga kjo selimi do të gjykohet në bazë të provave. Dhe meqë ai e akuzon Komisionin e Pavarur të Kualifikimit se i ka shitur këto të dhëna afera bëhet më e komplikuar: pra ai i pranon si të vërteta akuzat dhe akuzon komisionin se i ka bërë publike, apo ai i konsideron ato shpifje dhe atëherë KPK-ja mund të akuzohet për shpifje por jo për nxjerrje të dhënash sensitive. E vërteta e këtij ballafaqimi që mbërriti kulmin me aktin teatral të Selimit, braktisjen e sallës pritet të mësohet në vazhdim.
©lapsi.al
http://top-channel.tv/video/edicioni-informativ-26-korrik-2018-ora-1930/
