Në takimin me homologun e tij rus Vladimir Putin në Johanesburg, në kuadër të samitit të vendeve BRICS, Rexhep Taip Erdogan u shpreh se miqësia mes dy vendeve të tyre shkakton xhelozi tek disa vende të tjera.
“Çdo lloj solidariteti mes nesh dhe Rusisë me të vërtetë shkakton xhelozi të disa”, - u shpreh Erdogan.
Dy liderët pritet të diskutojnë kryesisht rreth Sirisë dhe të shkëmbejnë mendime mbi samitin e ardhshëm të Teheranit si pjesë e procesit të Astanas.
Pas fjalimeve përshëndetëse, takimi është duke vazhduar në dyer të mbyllura.
