Mediat greke raportojne mengjesin e kesaj te merkure se jane konfirmuar deri me tani 81 viktima dhe 187 te lenduar nga zjarret qe nisen tre dite me pare, 1000 shtëpi të djegura dhe 300 makina. Kërkimi për të gjetur më shumë trupa në hirin dhe rrënojat në Lindjen
e Attikës vazhdon. Numri i viktimave pritet të rritet, pasi shumë njerëz ende janë të zhdukur, ndërkohë që është e pasigurtë nëse janë midis të vdekurve, pasi procesi i identifikimit të trupave është i vështirë për shkak të faktit që shumë trupa janë karbonizuar.
Vazhdon ende edhe pas rreth 40 orësh, zjarri që shpërtheu të hënën në mëngjes në zonën e Kinetas.
Sipas mediave greke, ka dy vatra zjarri, një drejt Agioi Theodoroi dhe tjetri drejt Alepochori. Aktualisht
janë 176 zjarrfikës me 74 automjete, 3 automjete ushtarake, aeroplanë, 3 helikopterë dhe 2 avionë.
Në të njëjtën kohë, 196 zjarrfikës me 96 automjete, 12 vullnetarë me 6 automjete, 10 hidrofora, 5 makineri ushtarake dhe 1 helikopter po
tentojnë të shuajnë zjarrin në Kalitheinoupoli, Attica.
©Lapsi.al
