Polemikat e shpërthyera nga cështja Ozil nuk kanë të mbaruar dhe po përfshijnë gjithnjë e më shumë personazhe. Menaxheri i Mesut Ozil, Dr Erkut Sogut, i ka dalë në mbrojtje lojtarit të tij, duke iu përgjigjur presidentit të Bayern Mynih me të njëjtën monedhë. Ai i ka quajtur “idiotësi” komentet e Uli Hoeness, pas vendimit të mesfushorit të Arsenal për tu tërhequr nga kombëtarja e Gjermanisë.
Presidenti i Bayern, Hoeness, ishte ndër të fundit që reagoi për cështjen dhe e kaloi vijën etike me sulmin e bërë ndaj Ozil, kampion bote në 2014, duke e qujtur se “ishte lojtar mu*i prej vitesh”.
29-vjecari vendosi të tërhiqej nga përfaqësimi i Die Mannschaft për shkak të trajtimit që mori nga Federata gjermane, përpara gjatë dhe pas Rusi 2018, kur akuzoi edhe presidentin e DFB, Reinhard Grindel, për racizëm.
