Drafti i kushtetutës së re që pritet të miratohet në Kuba i hap rrugën martesës së homoseksualëve, pasi përdoret termi “martesë midis dy individëve” dhe jo midis një burri dhe një gruaje.
Kombi ishullor ka bërë përparime të mëdha gjatë dekadës së fundit për të drejtat e lezbikeve, homoseksualëve, biseksualëve dhe transeksualëve (LGBT), pasi i ka persekutuar ato në vitet e para pas revolucionit të 1959-ës, duke i dërguar në kampe riedukimi.
Vendi i drejtuar nga komunistët ka miratuar operacione për ndryshimin e seksit dhe ka ndaluar diskriminimin në vendin e punës kundër personave LGBT, por propozimet për të njohur organizatat e të njëjtit seks, kanë ngelur në pikëpamje të procesit të ngadaltë legjislativ.
“Mundësia e martesës mes dy njerëzve përforcon parimet e projektit të barazisë dhe të drejtësisë”, tha sekretari i këshillit të shtetit Homero Acosta në mbledhjen e ligjvënësve për të analizuar draftin që synon të zëvendësojë Magna Carta-n e Kubës më 1976-ën.
“Tashmë 24 shtete kanë përfshirë këtë koncept dhe nuk mund ta shpërfillnim këtë çështje, teksa hartuam kushtetutën”, tha Acosta.
Ndryshimi në Kuba/ Sot mbaron epoka e vëllezërve Kastro
