Pas ekzaminimeve mjekësore dhe prezantimit, të gjithë te Juventus presin me padurim debutimin e Cristiano Ronaldos me fanellën bardhezi. Kjo do të ndodhë më 12 gusht në ndeshjen miqësore të Villar Perosa.
Nga Kina, ku ndodhet momentalisht, ish-lojtari i Real Madrid i ka drejtuar një mesazh tifozëve të tij të rinj: "Jam shumë i lumtur që kam nënshkruar për Juventus-in për 4 vitet e ardhshme, po flasim për një nga klubet më të mëdhenj në historinë e futbollit".
Më tej ylli portugez theksoi: "Është një mundësi e madhe të luaj në Serie A dhe nuk dua ta humbas. Qëllimi im është të bëj tifozët të lumtur ".
Tifozë të cilët janë përgjigjur duke u abonuar masivisht për sezonin e ardhshëm të kampionatit.
