Jorida Tabaku i përmendi Artan Shkrelit, atë që ai nuk do donte t'ia thoshte askush publikisht: të ngrejë zërin për mbrojtjen e trashëgimisë për të cilën ka bërë namin kur ishte në opozitë. Ky lloj angazhimi me qera, që i mbron vlerat kur nuk je në pushtet dhe i braktis ato sapo e kap atë, është një ves i vjetër i intelektualëve tanë. Shkreli si një “mbrojtës i trashëgimisë kulturore”, duhet të flasë për godinën simbol të Trashëgimisë Kulturore në Shqipëri, Teatrin Kombëtar, ka thënë Tabaku.
Gjatë një debati në Komisionin e Ekonomisë, Tabaku iu drejtua: “Zoti Shkreli, nëqoftëse keni diçka për të komentuar unë besoj se është rasti që të flasësh edhe për Teatrin. Dole për kangjellat e Presidencës, mendoj se ka ardhur dita që si një adhurues i Trashëgimisë kulturore dhe identitetit kombëtar, të dalësh dhe të flasësh për Teatrin”, i tha ajo zv/ministrit të Transporteve, që u paraqit në komisionin e ekonomisë.
©Lapsi.al
