Ndonjëherë indikacionet më të rëndësishme të merkatos nisin nga detaje të vogla dhe ftesa publike e Matuidi për Pogba, të rikthehet tek Juventus, është më shumë se aq. Mesfushori i Manchester United nuk e ka fshehur pakënaqësinë në Angli dhe nostalgjinë për Juventus, që jo drejtpërdrejtë, por është interesuar për situatën e lojtarit. E tani, pas festën për Kupën e Botës vjen sinjali për një lëvizje të rëndësishme. Paul Pogba, në videot e publikuara gjatë festës në dhomat e zhveshjes ka marrë ftesën nga Matuidi: "Kthehu tek Juve". Buzëqeshja e mesfushorit, që dy vjet më parë u transferua pikërisht nga torinezët në Old Trafford, lë shumë për të kuptuar, ashtu si zëri i dytë që dëgjohet në video "In for Juve". Efekti Ronaldo sigurisht që përvecse i dha tjetër dimension botës Juventus, është një vlerë e shtuar dhe joshje për të gjithë futbollistët që janë në fokusin e bardhezinjve. Ndoshta është pak, e ndoshta jo, por Pogba mund të jetë goditja e dytë e madhe e dyshes juventine Marotta-Paratici.
https://youtu.be/IZGeZW5r1SM
